شكراً ايليا على مواضيعك المميزة

أنا من وجهة نظري أنو لازم احترم أي انسان بيعمل ليحقق ذاته سواء كان بمجال دراستو أو لاء .. وهذا ما بيقلل من مكانتو أبداً على العكس هذا بيدل انو انسان ما بتهزموا الظروف.

بس المهم أنو ما ينسى دراستو وطموحو بخضم الحياة.

والله ايلسا عالموضوع الو عدة نواحي
اولها عدم وجود الفرص الكمافية في المجال
تاني شي الان الناس اصبحت تعتبر الشهادة مجرد ورقة بتنحط ع الحيط او مظهر اجتماعي مش اكتر
وقلة الفرص الوظيفية بتجبر الناس انها تعمل باي تخصص بصحلها
والشغل مهما كان افضل من البطالة حتى وان كان مش في مجال التخصص
وشكرا الك ايلياء

ما شاء الله عنكم مشاريق آرائكم عجبتني ...

للأسف ليس كل ما يتمناه المرء يدركه

خاصة بعالمنا الشباب عندهم طاقة كبيرة وقدرة على الانتاج لكن مو عارفين انهم يوظفوها

والسبب البطاله وسوء الإدارة .. والواسطات _وضع الشخص الغير مناسب في مكان ما بيعبيه حتى _

لهيك كتير حسيت هالظاهرة منتشرة

تخيلو عنا عامل مصري بيغسل السيارات شب متدين وجدا محترم .. بتفاجأ بأخوي بيحكيلي هاد معه بكالوريوس محاسبة

تخيلو ... يعني اللي متله مفروض يكون هلا بشركة وعلى مكتب وبياخد راتب محترم

لكن ما استسلم لما عاكسته الظروف .. لهيك بحترمه جدا

وفعلا يا جرح الشهادة عند كتار من الناس هي مظهر اجتماعي مش أكتر .. وخصوصا البنات ههههه


أما التوتة هههههه ضحكتيني عالهندي اللي بيتحكم ببلدك وانت مواطنة وبيطردك من المحل

بس لو شبابنا بيتحملو مسؤولية وبيشتغلو بأي مجال ما كان عنا هالعماله الأجنبية الكبيرة

شكرا لآرائكم المسؤولة ..

أنا طبعا بحترمه أو بحترمها جدا لأنه فضل أنه يكون إنسان منتج بدلا من أن يظل عاطل
بس للأسف مش كل الناس بتفكر زينا كده
مثلا فى أسر ممكن ترفض أنها تزوج بنتها لمثل هذا الشاب لمجرد إنه بيغسل السيارات من غير ما يشوفو أنه شاب متدين وعلى خلق

وهنا بقى عندى سؤال للمشرقات أنا بعد إذن إيلياء هعمل بيه موضوع من وحى موضوعك ده

مع التحية

يا هلا فيكي إيمي ... فعلا الأهل بصعوبة ممكن يوافقو على شب بهالظروف مو شوفة حال دائما

ولكن لأنهم بيتمنولها الأفضل أكيد ... وأكيد اعملي الموضوع اللي بتحبيه يا عسل

ولا يهمك .... شكرا لمرورك

لولا كثيرا من هؤلاء العينات من البشر لما كنا نتحمل مسؤولية بعض الامور .
وعلى قولة الدعاية بتلفزيون الاردن ( مثل ما نحنا بحاجة للطبيب والمهندس .. كمان بحاجه للطوبرجي والمساح ونجار والحداد )

وفيه قصه قريبه مع احد المعارف .. كان بيدرس انجليزي بالجامعه ، كان وقت يخلص دوام على طول ينزل البلد ويفتح البسطه البسيطه تبعتو ، وكان الانتقاد كثير متتالى عليه من جميع جيلو ..

وبعد فتره ، اصبح لهالشب ثلاث مخازن وسياره و وقت شافوه الجامعه انبهرواا ..


مشان هيك ( هيه رساله للجميع انو الحجر الي ما بعجبك بفجك ^_^ )

يسلمو ايلياا

كل التقدير والاحترام لشخص رفض البطالة ...

وقرر العمل في اي شيء لان العمل بحد ذاته عبادة وخبرة

ممكن يتعلم اشياء او يتوفق فيه اكتر من مجال تخصصه

وفي ناس ببدعوا عنجد وبعرف ناس شخصيا هيك

انحني احترامالكم ايها العاملين .... سواء بشهادة ام بدونها

اهلافيكي دانا مشكورة على ردك حبيبتي واكيد متفقة معك برأيك